Policia: Mjeti shpërthyes ishte mbi një kilometër larg pikës kufitare, qarkullimi u ndalua për shkaqe sigurie

19:41 | 8 Dhjetor 2021
Përparim Bublaku

Policia e Kosovës, ka njoftuar se mjeti shpërthyes në Merdare ka qenë një kilometër larg pikës kufitare.

Sipas PK-së, nga pjesëtaret e KFOR-it është kërkuar ndalimi i përkohshëm i qarkullimit të personave dhe automjeteve për arsye sigurie.

“Me datë 08.12.2021 rreth orës 17:30 në stacionin policor kufitar ( SPK-Merdare) nga pjesëtarë të KFOR-it është kërkuar ndalimi i përkohëshem i qarkullimit të personave dhe automjeteve, për arsye se janë duke e bërë shpërthimin në mënyrë të kontrolluar të një mjeti shpërthyes. Lokacioni i mjetit shpërthyes ka qenë në distancë mbi një kilometër largë pikës kufitare, por për shkaqe sigurie për një kohë të shkurtër është ndërprerë qarkullimi”, kanë thënë policia për arbresh.info.

Sipas PK-së rreth orës 18:20 rruga është liruar për qarkullim normal,pa probleme./arbresh.info/